Around GMA

Article Inside Page

Tulad ng ilang first-time mommies, nakaranas raw si Kapuso actress Rochelle Pangilinan ng postpartum blues.

Rochelle Pangilinan

'Di raw niya maipaliwanag ang nararamdaman niyang lungkot kasabay ng kaniyang saya bilang new mommy kay Baby Shiloh Jayne noong mga panahon na iyon.

Aniya, “Parang ang dami mong iniisip tapos 'yung baby, tapos 'yung katawan mo 'pag nakikita mo sa salamin - normal na made-depress ka.”

Ang postpartum depression ay isang mood disorder na nararamdaman ng karamihan sa mga first-time mothers pagkatapos manganak. Kasama dito ang pagkaramdam ng mood swings, crying spells, anxiety, at exhaustion.

Upang malampasan ang kanyang depresyon, nagpaka-active si Rochelle sa pamamagitan ng pag jogging, pagwo-workout, at pagsayaw ng simpleng dance routines.

Ang resulta? Isang sexy body for mommy Rochelle!

View this post on Instagram

My post partum body,walang makakaligtas 😅and I Love it! Kasama yan sa napakadaming pagdadaanan bilang isang ina.. pagkatapos kong manganak mukha pa rin akong 9months preggy, aanhin ko ang sexy na pangangatawan kung wala naman si Shiloh🤪 pero 1 hour light exercise lang everyday at sa tulong ng asawa ko @arthursolinap (sya muna ang bantay), kahit papaano ay maibabalik ko din ang dating weight 😅 unti-unti,konting push, tyaga at sipag na din, Napa smile na lang ako ng makita sa salamin na medyo ok na pala,kaya tara na! Puuuuush!!💪🏼 #postpartumbody #linyanegraisreal 😅 #whoruntheworld?

A post shared by Rochelle Pangilinan (@rochellepangilinan) on Jun 18, 2019 at 4:42pm PDT

LOOK: Rochelle Pangilinan shares post-baby bod!

Ngayon, pinag-aaralan ng aktres na unti-unting iwanan si Baby Shiloh bilang paghahanda sa kaniyang pagbabalik trabaho.

Naglalaan raw siya ng isang oras na mawalay sa kaniyang baby habang natutulog ito kasama ng kaniyang asawa na si Arthur Solinap.

“Every morning 'pag nag-e-exercise ako at nagla-light jog sa labas, kinakaya ko kasi tulog pa silang dalawa.

“So, tumitingin na lang ako sa CCTV. 'Di ko kayang 'di tumingin,” natatawang pag-amin nito.

Panoorin ang buong chika ni Nelson Canlas:

Rochelle Pangilinan introduces Baby Shiloh Jayne